Chacia nad taboj i ŭładaru,
Ale ja prašu ciabie, słova,
Vyrasłaje ŭ pakutach,
Vynašanaje pad sercam, –
Nie paddavajsia spakusam
Słavy pustoj, marnatraŭnaj,
Pomni zaŭždy ab ziamłi toj,
Što naradziła ciabie,
I nie mianiaj svajho źmiestu,
Vodhałasu, zichacieńnia,
Nie branzaviej, nie ścirajsia,
Pajšoŭšy ŭ šyroki śviet.
Pyłam pyłi z-pad kalosaŭ,
Płač na cymbałach i śmiejsia,
Łisia vinom u bikłahi,
Vusny i ruki złučaj,
Budź zaparukaju družby,
Hołubam dobraj nadziei,
Płuham, što rychłić hlebu,
Nožam, što kroić chleb.
3.X.1974.
|
|
